Warbixin ay soo saartay Jimcihii shalay Hay’adda cunnada adduunka ee WFP ayaa lagu sheegay inay qorsheynayso in 1.6-milyan qof Soomaaliya ay caawinayso sannadkan cusub, waxayna Hay’addu sheegtay in dadkaasi intooda badan ay ku nool yihiin deegaanadu sShabaabku ka taliyaan.
Hay’adda WFP ayaa sidoo kale sheegtay in xaaladda bani’aadamnimo ee Soomaaliya ay ka wanaagsan tahay sidii ay ahayd bishii Ogoosto 2011-kii, xilligasa oo Soomaaliya ay ka dillaaceen abaaro dhaliyay macluul baahsan, waxayna sheegtayinay ku faraxsan tahay inay dib howlaheeda caawinaadda ah uga billowdo magaalada Kismaayo.
WFP ayaa muddo afar sano ka badan kadiba waxay fursad u heshay inay dadka magaalada Kismaayo ku nool ay gaarsiiso gargaar Bini’aadanimo, iyadoo Hay’addu sheegtay inay caawiyeen qoysas dhibaateysan oo ku nool Kismaayo.
Elizabeth Byrs waxay kaloo sheegtay in mashaariicdooda Soomaaliya ay ka mid tahay in maalin walba ay raashin qalalan siiyaan dadka gargaarka deg-degga ah u baahan ee ku nool Magaaladaa Kismaayo.
Dhinaca kale Hay’adda WFP waxay codsatay lacag gaaraysa 57-Milyan oo doollar si ay ugu fuliso howlaheeda gargaar ee Soomaaliya lixda bilood ee soo socota, iyadoo Hay’addu ay ka baxday deeganada Shabaabku ka tilayaan, kadib markii hanjabaado ay kala kulantay kal hore.
______________________________________________________________
Nagala Soo Xiriir E-mail-kan
hablahamedia@gmail.com.
Waanu Tixglindoona Wixii Macluumaad Ah Oo Aad Inoo Soo Gudbiso
Sidoo Kale Taladaadu Waa Muhiim Fadlan Inoo Soo Dir Ayadana
F.G. Comments-yada Waa Ka Mamnuuc Caay Iyo Aflagaado , Qabyaaladna Warkeeda Daa.
Post a Comment