Kadib Markii aan akhriyey Wararka oon dhagaystay idaacadaha Somalida ayaa Waxaan jeclaystay in aan tixdan usoo gudbiyo akhristayaasha tixdan Waxaa isugu Jawaabaya Madaxweynaha Somalia Xasan Sheikh Maxamuud iyo Madaxweyne Goboleedka Puntland Cabdiraxaman M.Faroole
Waxayna u dhacday Sidan
Faroole- Hadii aan Masuul ahay Maamulaaya Meel in la i Maqlaa Ma Mudniyo?
Madax- Mar Hadaan Matalo Magaca Somali Muwaadiinta waan Maqalaa
Faroole- Maqsuud Ma ahi Maalmahaan Muqdishaana Ku Mashquulsanaa
Madax- Ma fahmin Maadadaas ee Ma ii Macnayn Kartaa Maxamed?
Faroole- Fadaraal Miisaaman oo aan ka Muuqanaan Rabaa Muadane
Madax- Mudadaadi Waad Dhamaysatee Midka xige Meesha u banee
Faroole- Marabo in aan Dib Maro Horeyna waan u soo Mintiday
Madax- Umadu way Midaysantee Maxaa Adiga kuu Muuqda?
Faroole- Maraykanaa aqoonsan Meel Dhigee Maxaan u weynay Meertadii?
Madax- In aan ka Moodnay Meelku gaar oo aan Mushaaxnay Maad ogayn?
Faroole- Hadaan Ka Moodnay Meelku gaar Mahiga Ma Muwaadinaa?
Madax- Muraad Yaraan Ka Maaganee Ma Haysto Muunad Weyn
Faroole- Muhiim in aan ahoo Mugweynaha ku Moog Markaas
Madax- Midnimo aan Muran Lahayn in ay ku Meel Martaan Rabaa
Faroole- Dastuurkaan Meerinay Maalin Hore yaan La Maagin Maandhow
Madax- Mugdi Miyaa Ka Jira Midaas Baarlamaankaaba Maamulee
Faroole- Mahadho Waxay Dhici Markii Midaas La isku Maandhaafo
Madax- Maankaaga gali Maanta iyo Shalay Waa Laba Masaafoode
Dhamaaad
Abwaan Cabdulaahi ibrahim Cabdi (Mureec)
Mureec@Hotmail.com
______________________________________________________________
Nagala Soo Xiriir E-mail-kan
hablahamedia@gmail.com.
Waanu Tixglindoona Wixii Macluumaad Ah Oo Aad Inoo Soo Gudbiso
Sidoo Kale Taladaadu Waa Muhiim Fadlan Inoo Soo Dir Ayadana
F.G. Comments-yada Waa Ka Mamnuuc Caay Iyo Aflagaado , Qabyaaladna Warkeeda Daa.
Post a Comment