Mahdi Xaashi Oo An La Ogayn Halkii uu Ku Danbeeyay Ayaa Waxaa uu Kamid Yahay Soomaalidii Shalay La Soo Taagay Maxkamad ku Taalla New York

Soomaali La Soo Taagay Maxkamad ku Taalla New York Ayaa Waxaa Ku jira Mahdi Xashi Oo Dhawaan Lawaayay Meel Uu Jaan Iyo Cirib Dhigay. 

Saddex dhalinyaro Soomaali ah oo dhawaan lagu xiray qaaradda Afrika ayaa la soo taagay maxkamad ku taalla magaalada New York iyagoo lagu eedeeyay inay tababar la qaadanayeen Xarakada al-Shabaab.

Saddexdan dhalinyarada ah oo lagu kala magacaabo, Cali Yaasiin Axmed, Mahdi Xaashi oo sawirkiisa idin muuqdo iyo Maxamed Yusuf ayaa shalay oo Jimce ahayd la horkeenay maxkamad ku taalla Brookly si ay u wajahaan danbiyo ah inay ka qeybgaleen tababarada barnaamijyada qaraxyada ismiidaminta ah ee al-Shabaab.

Wakaaladda wararka ee AP ayaa sheegaysa in dhalinyaradan la qabtay iyagoo u safraya dhinaca dalka Yemen.

Wararka ayaa sheegaya in mid ka mid ah dhalinyaradan Mahdi Xaashi lagu waayay geeska Afrika kadib markii dhawaan lagala noqday dhalashada dalka Britain halka labada kale la sheegayo inay haystaan dhalashada dalka Sweden.

Haddii danbiyada lagu soo oogay lagu helo waxay saddexdan mutaysan doonaan ugu yaraan 30 sanno oo xadhig ah ama xabsi daa;in.

______________________________________________________________

Nagala Soo Xiriir E-mail-kan

hablahamedia@gmail.com.

Waanu Tixglindoona Wixii Macluumaad Ah Oo Aad Inoo Soo Gudbiso

Sidoo Kale Taladaadu Waa Muhiim Fadlan Inoo Soo Dir Ayadana

F.G. Comments-yada Waa Ka Mamnuuc Caay Iyo Aflagaado , Qabyaaladna Warkeeda Daa.