Gabay Kaftan Siyaasadeed xiiso badan oo Dhax maray Madaxweyne Siilaanyo iyo Feysal Cali Waraabe

Waxaan halkaan idinkugu soo gudbineynaa Suugaan kaftaneed dhax maray Madaxweynaha Maamulka gooni go'a daneenaya ee Somaliland iyo Hogaamiyaha Xisbiga Mucaarudka Ucid oo isna ka dhisan Somaliland.

Faysal-Hadii ay Labada Daraf Deegaanadeenii degmo degmo u dirireen nabadiina diideen Sideed Udabiibi doontaa?

Siilaanyo-Dagaal waan ka digayoo dib unoqsho weeye gogol daar dugsoon taal waa taan dul dhigaye danba cidi kamay dayin

Faysal-Dowladeeni taagnayd inaad maanta dumisay dood miyaad ka leedahay?

Siilaanyo-Wakhtigaa is daba mara dabaylaha aduun baa doc kastaba ku geeyee Dulucdaadu waa maxay?

Faysal-Dowladnimo Ha Joogtee Dunidaa Dadkeedii Digniin Soo dul Dulsaartoo Ka Dareera nagu Tiri taa ma diidi doontaa?

Siilaanyo-Adigaa degdegayoo dib u dhigan xiskaagee dawgu waa halkiisii wayna duuli doontaa waana kaa da.weynahay

Faysal-Somalidii aan diidnee daanta kale ka daganayn miyaad doorkan maanta ah dawo kale u haysaa?

Siilaanyo-Somalinimo ma Diidine danaheena gaariyo waxaan waday dadaal dheer da.yartiyo duqayduna way wada dayaayeen

Faysal- Libaaxa Daarta jiifee Dadweynuhu ka qaylyeen ee dabranaaya dumarkee dimoqradiyadii dhaawacay ma adaa u Daacada?

Siilaanyo-X.waa nin dooroo dalka maamulaayoo darajadaan duldhigaybuu dhex dabaalanayaa oo daryeele weeyaan

Faysal-Doorashii dhaweydee daacadnimo ka durugtee danbigeedu waynaa sideen kaga dawoownaa?

Siilaanyo-anigaa dabarayoo way ka sii daraysee daboolka haka qaadine horta soo dabaal baro 

Faysal-Dabkaa Xamar daarmee lagu wada diirsaday miyaan dacal ka raacnaa?


Abwaan Cabdulaahi ibrahim Cabdi (Mureec)

______________________________________________________________
Nagala Soo Xiriir E-mail-kan
hablahamedia@gmail.com.
Waanu Tixglindoona Wixii Macluumaad Ah Oo Aad Inoo Soo Gudbiso
Sidoo Kale Taladaadu Waa Muhiim Fadlan Inoo Soo Dir Ayadana
F.G. Comments-yada Waa Ka Mamnuuc Caay Iyo Aflagaado , Qabyaaladna Warkeeda Daa.