Gooldhaliyaha kooxda Swansea Michu ayaa noqday mid kamid ah laacibiinta ugu qatarsan horyaalka Premier League,kooxda Swansea ayaa michu ku soo qaadatau qiimo aad u jaban marka loo fiirsho xidigga uu hataan gooldhalinta kula tartamayaan.
Khiimeeyn la sameeyay oo daabacday jariirada The Sun ayaa muujinaya in weeraryahanka kooxda Swansea kaga soo biiray Rayo Vallecano xagaagii hore 2 milyan ginni kaliya, uu ka qiimo fiican yahay Robin van Persie, Luis Suarez, Fernando Torres iyo weeraryahanada kale ka ciyaaraan Premier League.
Michu oo bartamahii isbuucii hore kooxda Chelsea gool ka dhaliyay,Michu ayaa Swansea u dhaliyay tartamada oo dhan 16 gool, taasoo la micno ah in gool kasta oo uu dhaliyay inay Swansea ugu fadhiso kaliya 125 kun ginni.
Suarez ayaa 40 gool dhaliyay tan iyo markii uu Liverpool ku soo biiray 2011, gool kasta uu dhaliyay waxa ay ku fadhiyaa qiimo gaaraya 600 kun ginni.
Xitaa xiddiga reer Holland oo 20 gool u dhaliyay Manchester United xilli ciyaareedkan, ayaa gool kasta waxa uu ugu fadhiyaa Red Devils 1.1 milyan ginni.
Torres oo xilli xun ku qaadanaya Chelsea tan iyo intii uu 50 milyan ginni ugu soo biiray ayaa u dhaliyay 26 gool, waxaana gool kasta uu qiimahiisa yahay 1.9 milyan ginni.
Torres ayaase ka fiican dhankaas Andy Carroll, kaasoo 12 gool dhaliyay tan iyo markii uu Liverpool 35 milyan ginni ugu soo biiray iyadoo gool ka mid ah uu u dhaliyay kooxda uu amaahda ku joogo ee West Ham.
Tababaraha xulka Qaranka Spain ayaana maanta daawanayay xiddiga Michu iyo Flores kulankii ay Swansea barbaraha goolal la’aanta la gashay Everton.
______________________________________________________________
Nagala Soo Xiriir E-mail-kan
hablahamedia@gmail.com.
Waanu Tixglindoona Wixii Macluumaad Ah Oo Aad Inoo Soo Gudbiso
Sidoo Kale Taladaadu Waa Muhiim Fadlan Inoo Soo Dir Ayadana
F.G. Comments-yada Waa Ka Mamnuuc Caay Iyo Aflagaado , Qabyaaladna Warkeeda Daa.
Post a Comment