Asalaamu calaykum waraxmatullahi wabarakatuhu.
Bismilaaah:
Magaca Eebe yaan ku Bilaabay ee naxariis guud iyo mid gaaraba Naxariista,nabad galyo iyo naxariis korkiisa ha ahaato Nabigena mustafa calayhi salaatu wasalaam:
Waxaa waayadan danbe aad u so badanaya Rag & Dumar isu faanaya oo midba ka kale ku doodayo Raggaa idinka fiican ama Dumarkaa idinka fiican cid xaqiiqada ka hadlaysa Rag & Dumar arki maysid. raggina dumarki hor boodayaan waxad moodaa inuuba ka lumay dariiqii loo mari jirey guurka ama habkeey u wada dhaqmi lahayeen ama u wada Hasaawi lahayeen.Waxad arkeysaa Niman& Gabdho ku odhanaya Iam looking for the right person, waxaa dhici karta dadkan sidan u hadlaya ayba ka ag dhowdahay Ninkay &Gabadhuu raadinayay balse aanba garanaynin qaabka wax loo raadiyo iyo wadadi loo mari lahaa.waxaadba mooda inay ka indho la' yihiin sababtuna waxay tahay guurka oon loo marin sidi illaahay iyo Rasulkisa scw ina fareen.Talo ku socota gabadhaha calaf doonka ah haday ku anfacdo raac insha Allaah.
1- Gabadhyahay iska ilaali khayaanada iyo beenta waxaad ka dhaxlaysaa nabsiye daacad noqo mustaqbalkaga ha iskaga ciyaarin sharaftaada ilaali ha noqon sida gabdhaha qaar ku oranaya 100 kula sheekeysta midna waa ka guursataa, gabadha uma fiicna inay ragg badan la socoto iskana dhaadhiciso maahmaaha jahliga ah,sharaftadaa uma fiican gabadhyahay daacad u noqo wiilka aad la socoto isagana ku ekow hadii aadan ku qanacsanayn ha lugoynin ee runta u sheeg waligaa iska ilaali inaad wiil jeceyl ku abuurto gadaashiisana ragg kale kala socoto.
2- Waligaa iska ilaali wiilkaad wada socotaan inaad guri isku kaliyeysataan sow ma ogid gabadhyahay in sheydaanku cadowgaaga yahay waxuu ku dadaalaa inuu ku fitneeyo oo aad xaaraan ku dhacdo illaahay waa inoo sheegey in shaydaan cadowgeena yahay hadii aad jecleysato inaad guri aan ehelkaaga aheyn kula sheekeysato wiilkaa wada socotaan ee mustaqbalka iska rabtaan kaxayso gabadh aad ku kalsoon tahay oo dhowrsoon waligaa guri kali ha kula noqon hana ka yeelin haduu ku yidhaa wiil baan soo kaxaysan haka yelin ee adiguna gabadh kaxays.
3- Ma rabtaa inaad hesho lamaano kuu qalma kuna wada noolataan mustaqbal caafimad qaba oo farxad iyo reyn reyn abidkiin inta cimrigina idinka hadhsan?Taasi jawabteedu waa haa gabadh walba mustaqbal fican inay hesho ayey rajaysaa, hadaba ka saacid aduun iyo lacag iyo taash aroos lagaga tumo hotelki heblayo ama heblayo adna lagaga tumo ku dadaal inaad raadsato nin akhyaar ah diin iyo akhlaaq leh ka mid noqo gabadhaha uu Rasulka SCW dhahay midba tay ka meher yar tahay ayey ka ajir badan tahay yaan lagaa badin oo lagaaga horeyn khayrkaa.
4- Waxaad jeceshay inaad la kulanto nin fiican oo ku dhaqda Akhlaaq,diin, naxaris leh, oo ku saacida adiga iyo caruurtaada baahidiinana idinka aradtira, ogsonow inuu ninkuna kula mid yahay oo uu rabo gabadh diin iyo akhlaaq leh oo raaliyo ah.Hadaba ku dadaal inaad adiguna raaliyo noqoto.
5- Ma jeceshay ninkaagu inuu ku jeclaado?Waxan filaya su'aashani jawabteeda in dumar badan ku adkaanayso mid illaahay u naxaristay mahee.Ma rabta inaad ninkaga is jecleysiso ama isaguba ku jeclaado!!hadaba jecloow waalidkiis isaga ku jeclaane tus saygaaga in waalidkiiis waalidkaa oo kale kuu yihiin sidaad waalidka u jeceshay iyagana u jeceshay la saaxiib sodohdaa telefon u dir la sheekeyso la tasho 2 week mar u tag ku dheh saygaaga inaad u soocoto maanta guriga maamadiisa ,u gee hadiyad tay u jeceshay kasbo qalbigeeda marmar wac oo la tasho la sheekeyso saaxiib ka dhigo iyo hooyadaada labaad, waxa hubanti ah in saygaagu kaa jeclaanayo dumarka dunida korkisa saaran oo dhan, waalidkiis markuu ka maqlo amaantaada oo dhagahisa ka badato amaantaadu marka gabar yahay dadaal.
Bal Qisadani laga so wariyeey Nabi Ibrahiim C.S.iyo inankiisa Ismacil C.S.Dhuux Waxay qisadani ku tusinaysaa gabadha ninka waalidkiis marwalba ka ashtakoota ee cabashada badan inuu khatar u tahay in reerkeedu ka burburo gabadha saalixada ah waa mid samir iyo dulqad badan muujisa xataa haday waalidkisu si kasta u dulminayaan waa mida ninkeeda adeecda waalidkisna u amaanta inankooda, gabadha saalixada wanaag oo dhan inay ninkeeda iyo waalidkisa kula dhaqanto lagu yaqaan.Qoralkaa ila fogaaday ee Qisadi waa tane bal ila dhuux.
Nabi Ibrahiim C.S. ayaa so booqday inankisii Ismaacil u ku yidhi xaaskisii xaalkiina iga waran markaaseey ku tidhi xaalkayagu waa liitaa Ismacil C.S.Wuxu ku maqan yahay ugaadhsi,wuxu ku yidhi waxad ku tidhaa marku yimaado iska badal albaabkaaga kaabadiisa marki Ismacil C.S.yimid ayey ku tidhi waxaa i yimid nin weyn oo ciro leh waxuu igu yidhi waxad ku tidha marku Ismacil C.S.Yimado albaabkaaga kaabadiisa iska badal,markasu ku yidhi waxuu aha aabahay waxuu i farey in aan ku furo ee orodo iska tag waa aan ku furay,sababtu u furey waxay aheyd sidan kor kuso sheegeyba way u cabaaday, muddo ka dib ayuu uso noqday Nabi Ibrahiim C.S. inankisi Ismacil C.S.Markii uu guursaday gabadh kale sidi oo kale ayuu ku yidhi iga waran xaaladiina markaseey ku tidhi alxamdulilaah waanu ficanahay,markas ayuu u faray inuu kaabada albaabkiisa adkeysto oo macnaheedu yahay(ha iska furin).Nabigenu SCW waxuu yiri ninka hela gabadh saalixad ah inuu helay nicmadi aduunka....Gabadh kasta iyada garan siday isku jecleysiin laheyd saygeeda iyo waalidkisa waa adiga iyo dadaalkaa somali hore u tidhi hadal la kala odhan og illahaayna la kala baryi og.
Talo yar ayaan waaliidka siinayaa.
Gabadhaha muslimaadka ah ee wanaagsan ee cafiifadaha ah laguma dari karo Niman faasiqiin ah, Waxan waalidiinta gabdhaha dhalay kula talin lahaa in gabadhooda ka eegaan ninkay ku darayaan oo aydaan ku xidhin maal iyo qabiil ee ninka idinka soo doonta gabadhina xaga diinta iyo akhlaqdiisa iyo ehelkiisa laga eego,Waalidiinta qaar ayaa gabadhooda yar haduu kasoo doonto wiil u qalma oo akhyaar ah diin iyo akhlaaq leh laakin faqri ah ama qabiil la yaso kasoo jeeda u diida haseyeeshe hadu oday cajuus ah oo 10 , 20 sano ka weyn maalqabeena ah soo doonto hore laga sinayo gabadhoodii mustaqbalkeedii ayey kaga ciyareen amaanadi illahaayna way dayaceen. gabadha maal iyo aduunyo dhamanaysa ayeey ku qimeeyeen gabadhoodii yareyd mustaqbalki ayaatinkeeda ayey ka burburiyeen, waxad kaloo arkeysaa waalid gabadhooda nin qaraabada ahoo aanay jecleyn ku qasbaya ama qabiil ahaan u siinaya , illaahay Swt haka baqaan waalidiinta gabadhooda yar siinaya ragg aan u qalmin, waalidinta waxaan leeyahay gabadhihina u guuriya Niman ay u qalmaan idinkoo wadadi Rasulka SCW raacaya taasoo liibaan aduun iyo akhiro idin ah, Wuxu yiri Rasulkena SCW"U guuriya haduu idin yimaado Axad Diintisa iyo Akhlaaqdisa raali laga yahay..Waxa kaloo jira xadiis laga so wariyey Nucmaan Ibnu Bashir :In aabihi uu Nabiga u yimdi oo uu ku yiri'' wiilkeygaan waxaan u hadiyeeyey adoon aan lahaa.Nabigu wuxuu ku yiri''Caruurtaada oo dhan asaga oo kale ma siisay?Wuxu ku yiri maya,Nabigu csw wuxu yiri ka celi.Riwaayad kale waxay ahayd inuu yiri''Illaahay swt ka cabsada oo caruurtina u cadalaad fala.Riwaayo kale waxay aheyd in Nabigu scw yiri''haddaba markhaati ha iga dhigan anigu dulmi markhaati ka noqon maayee.Hadaba hooyooyinka xadiiskan inuu anfaci ayaan rajayni oo caruurtooda u cadaalad falaan waxayna raali ku aheyna ku qasbin, gabadhihiina haka dhigina sidi alaab la xaraashayo camal oo kale illaahay ha laga baqo oo yaanan dulmi laga galin gabadhaha yaryar mustaqbalkooda iyo aayatiinkooda lagaga ciyaarin.Ha iloobina waalidinoow marka aad dhimataan in labo la idinka xisaabinayo marka qabriga la idin dhigo 1-Camalkiina,2-Caruurtiina.
Wixi qalad eed ku aragtaan waxay ka ahaatay nafteyda iyo shaydaan wixii aan saxayna illaahay ayaa i waafajiyey oo aan ugu mahad naqayaa alxamdulilahi rabill calaamiin.
La soco qaybaha kale ee maqaalka inshaAllah.
WQ: Zainab Maxamed
khadijahome
______________________________________________________________
Nagala Soo Xiriir E-mail-kan
hablahamedia@gmail.com.
Waanu Tixglindoona Wixii Macluumaad Ah Oo Aad Inoo Soo Gudbiso
Sidoo Kale Taladaadu Waa Muhiim Fadlan Inoo Soo Dir Ayadana
F.G. Comments-yada Waa Ka Mamnuuc Caay Iyo Aflagaado , Qabyaaladna Warkeeda Daa.
Post a Comment